هلا عمي

- يا ترى سامع بإسم أبو محجوب ..أو عبارتو الشهيرة .. ( هلا عمي ).... ؟ ؟

- لا والله مو سامعين ... مين هادا أبو محجوب ... ؟ ؟ ؟

- ممممممم ابو محجوب يا سيدي هوو أشهر شخصية كاريكاتيرية بالأردن ...وما في مواطن أردني بين هالخمسة مليون أردني إلا وبيعرفو وبيعرف صاحبو أبو محمد

الشخصية الظريفة..... و ابو محجوب شخصية حشاشة جداً و مهضومة جداً وساخرة جداً ... بيصور المجتمع الأردني بصورة تطابق الواقع بشكل كتير محشش وكتير ساخر ...

- ممممممم حلو ..

- واليوم انا حبيت إفتحلو موضوع ... يعني صحيح ابو محجوب حشاش أردني من العيار التقيل .... بس بضل عربي همو همنا و همنا همو ...

__________________________________

أول شي : مقدمة لا بد منها ( يلي بيكره المقدمات يفشق عنها )

- مين يلي إخترعو لأبو محجوب ...

- الفنان الساخر عماد حجاج ... مواليد رام الله 1967 ... حصل على شهادة البكالوريوس بالفنون الجمليه إختصاص فرعي صحافة وإعلام ..

إلو أكتر من معرض جوا الأردن وبراتها ... وعضو وكالة رسامي الكاريكاتير والكتاب الساخرين((USA، Los Angelus،. (Cartoonists and writers Syndicate CWS)

هادا عن الفنان عماد حجاج ...

بالنسبة لشخصية ابو محجوب ... أبو محجوب زلمة معتر نحيف وفقير وبحط العقال الأردني على راسو دايما اواعيه مهتريه ..إلو وجه نحيف وممصوص ودقنو متل ما شفتو طويلة ... ابو محجوب بيجمع بين الحكمة والصعلكة ..الطيبة واللؤم .. خفة الدم والإحتيال ... القدرة على كشف المستور والبلاهة ... يعني كأي شخصية واقعية حقيقية ... ويمكن هادا الشي يلي ميزو ..

بالنسبة لابو محمد ...فالزلمة هادا مكور ... كل شي فيه مكور ... جسمو بطنو عيونو .. مناخيرو ... كل شي ... شواربو هتلرية وبحط طاقية صوف و بيلبس أوعي رياضية نوعاً ما .. دمو خفيف بس بضلو أقل كفاءة من زميلو أبو محجوب ...

والشخصيتين هدول ثابتين ومو ثابتين .. كيف يعني ... يعني النواحي النفسية عندهم ثابتة .. بس كنواحي إجتماعية ومعيشية دائما ظروفهم بتتغير ..