~*~Excellence Gate~*~
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

~*~Excellence Gate~*~

منتدى مدارس الملك عبدالله الثاني للتميز ...تفضلوا بالتسجيل معنا في منتديات بوابة التميز !!
 
الرئيسيةالبوابةأحدث الصورالتسجيلدخول

 

 يا يامو

اذهب الى الأسفل 
3 مشترك
كاتب الموضوعرسالة
عاشقة الحياه
متمـــيز نشيــــط
متمـــيز نشيــــط
عاشقة الحياه


انثى
عدد الرسائل : 211
العمر : 30
تاريخ التسجيل : 14/06/2009

يا يامو Empty
مُساهمةموضوع: يا يامو   يا يامو Emptyالسبت أغسطس 29, 2009 12:45 am

أامك أوعى تجافيها واسعى دوم تراضيها



كلمة الله يرضى عليك

بتسوى الدنيا وما فيها

لو بتفكر كيف اجيت

عالدنيا الإنت فيها

ببطنها حملها تسع شهور

بأيامها ولياليها

آخد بطنها طول وعرض

وعمال ترفس فيها

وبكل رفسة بتقول آه

وبتسعى دايماً تخفيها

حتى ما يصيبوك بالعين

من يلي حواليها

بتدعي الله تا ينجيك

ما بتدعيه ينجيها

آه لو تشعر كيف الطلق

وآلامه وتحس فيها

آه لو تحبل شي مرة

واحدة بس تاتقاسيها

وبعد العصر وبعد الكبس

والداية بتواسيها

شرفت يا نور العين

عالدنيا الإنت فيها

إنت الأمل إنت الروح

لأمك تاتعلّيها

وبكبرتها لتعينها

عالدنيا وبلاويها

وسنين عاايديها محمول

وبترضع ما يغذيها

بتوسخ حالك دون انذار

والريحة تعبق فيها

وكأنها ريحة بخور

بتتنشقها من فيها

وخروقك بكل سرور

بتغسلها وبتكويها

وإن مرضت وياما مرضت

ما بتغمّض عينيها

بأصغر كلمة بتناديك

تقبرني وهي بتعنيها

وبتمرض هي تاتشفيك

من كل علة تعانيها

وإن وقعت أو جوعان

وين أمي بتناديها

بتحرم حالها لتطعميك

حان الوقت تطعميها

لو بتفكر كيف ربيت

ليل نهار عاايديها

بعد الزحف صرت تمشي

وتتنقل حواليها

وهي عيونها شايحة عليك

ورموشها ما بترخيها

وإن وقعت يعليي

تالجيران تناديها

شو صارلو صابو شي

طاسة الرعبة بتسقيها

عالمدرسة بتوديك

بتوصلك بايديها

وبترجع تاخدك وبتترك

طبختها وحواشيها

شفت حالك صرت كبير

وشنباتك مربيها

وبتمشي مختال بطولك

والأرض عم تطويها

وبتسهر حتى طلوع الفجر

مع رفقاتك تحييها

للصبح أو نص الليل

وبترجع بتلاقيها

قاعدة عم تستناك

لتعشيك من ايديها

بتطبخلك كل الأصناف

وبكلمة ما بترضيها

لأ بتقول بكل غرور

ما بحب هي شيليها

ما صدقت ايمتى كبرت

وايمتى صرت مجاريها

بدها بقى تفرح بيك

وتتمتع بذارريها

وتخرجت وصرت دكتور

وآرمتك معليها

خطبتلك بنت الجيران

ما بينحكى عليها

طولها متل غصن البان

لو بتشوف عينيها

بتقول عيون الغزلان

وكحلتها منها وفيها

والتم خاتم سليمان

وشفايف لو ترويها

وسنانها لولو ومرجان

بتتمنى تفوت بفيها

جمال وعلم وأخلاق

ألف اسمالله عليها

وإنت ما بدك ياها لو

عم تنصحك بيها

مرتك بدك تخطبها

وبدك إنت تنقيها

وممرضتك يا دكتور

حاطط عينك عليها

بعلبة مكي مطلوسة ومقصرة أواعيها

حركة وحكياتها حلوين

وهادا يلي محليها

وبساعة شيطان يا دكتور

رحت هاجم عليها

وبتتمنع تا تقربك

مو الشيطان مخاويها

وحملت منك يا حباب

وتزوجتها لترضيها

وصارت هي ست البيت

وماعدت تقدر عليها

وأمك صارت كركوبة

خرفانة بعينيها

وصارت تتشكى منها

وتحط ألف علة فيها

أمك عمال تتغدى

وصحونها ما بتجليها

أمك عمال تتغسل

وما بتغسل أواعيها

أنا خدامة إلها

شو بدي أ‘مل فيها

وبركت أمك يا مرضي

والمرض مقاسيها

وما عاد تقدر تتحرك

والنملة بتماشيها

واجا دورك يا حباب

حتى تعتني فيها

أو تسهرلك شي ليلة

وتردلها لياليها

وبتضحك على حالك وبتقول الوهم ساكن فيها

ولك أمي ما فيها شي

طبعها هيك مخليها

وبتترجى مرتك وتقول

هي خرفانة داريها

ورحلت أمك يا مرضي

وراحت لعند باريها

ساعتها صرت تبكي

وصرت تترحم عليها

هلأ صحيت لحالك

بعد ما كنت هامل ليها

مو ربك وصاك بالأم

والنبي ما قال فيها :

أمك أمك ثم أباك

قالها وهو بيعنيها

قبل ما تندم يا انسان

والندم ما بيحييها

أمك أوعى تجافيها واسعى دوم تراضيها

وكلمة الله يرضى عليك

بتسوى الدنيا وما فيها
الرجوع الى أعلى الصفحة اذهب الى الأسفل
SAL6EA
متــــــــميـــــز
متــــــــميـــــز
SAL6EA


انثى
عدد الرسائل : 114
العمر : 29
المزاج : تمام
تاريخ التسجيل : 29/04/2009

يا يامو Empty
مُساهمةموضوع: رد: يا يامو   يا يامو Emptyالسبت أغسطس 29, 2009 7:46 pm

كثيييييييييييييييييييييييييييييييييييييييييييير حلوة
يسلمو اديكي يا رب عالموضوع الحلو
هو طويل شوي بس مع هيك قرأته كله
thx ^_^
الرجوع الى أعلى الصفحة اذهب الى الأسفل
noor
متــــميـــــــز جـــديــــد
noor


انثى
عدد الرسائل : 40
العمر : 30
تاريخ التسجيل : 21/12/2008

يا يامو Empty
مُساهمةموضوع: رد: يا يامو   يا يامو Emptyالأحد أغسطس 30, 2009 8:11 pm

موضوع كثيييير حلووو
شكرا
الرجوع الى أعلى الصفحة اذهب الى الأسفل
عاشقة الحياه
متمـــيز نشيــــط
متمـــيز نشيــــط
عاشقة الحياه


انثى
عدد الرسائل : 211
العمر : 30
تاريخ التسجيل : 14/06/2009

يا يامو Empty
مُساهمةموضوع: رد: يا يامو   يا يامو Emptyالإثنين أغسطس 31, 2009 5:31 pm

شكرا كتيييييييييير
على المرور
الرجوع الى أعلى الصفحة اذهب الى الأسفل
 
يا يامو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~*~Excellence Gate~*~ :: الأقـــــســــام العــــــــامة :: المنتدى العام-
انتقل الى: