موسوعة نكت

طفل من الهنود الحمر سأل أبوه:
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الاب:
يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها 'الشمس
المشرقة المطلة بين السحب الكثيفة '
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه 'الامطار الغزيرة
وسط البرق اللامع '
دي عادة قبائلنا طوال الازل
أنت ايه اللي مزعلك يا ' كلبين يعملوها (و انتو بكرامه اذا فهمتوها ) جنب الخيمة '

واحد انجليزي وواحد فرنساوي وواحد صيني راحوا يجربوا صدى الصوت

الانجليزي قال هاللو فرد عليه صدى الصوت و قال: هالوووو هالوووو هالوووو

الفرنساوى قال بنجور رد عليه صدى الصوت و قال: بنجوووور بنجوووور بنجوووور

الصينى قال شونجا كونجا هونجاهى فرد عليه صدى الصوت و قال: ايييييييه ايييييييه ايييييييه

نمله ماتت على الشط فبيسألو مسطول تعتقد ليه ماتت؟ قال ضحايا تايتنك

مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى

واحد راح مطعم في فرنسا.... كان عايز يطلب شوربه قال للجرسون ( جارسوه عايز واحد شوربوه)
فالجرسون قاله باردون؟
قال الراجل لا سوخنو